Toshloq tumanida avtomashina shinalarini oʻgʻirlagan shaxs fosh boʻldi
Toshloq tumani.Fuqaro B.A IIBga murojaat qilib, unda 2022-yilning 25-iyun kuni noma’lum shaxs Shodlik mahalla hududida joylashgan avtomashina shinalari savdo doʻkonidan narxi 1.500.000 soʻmlik 3 dona avtomashina shinalarini yashirin ravishda oʻgʻirlab, hodisa joyidan yashiringanligini bildirgan.
Mazkur holat yuzasidan Toshloq tumanida IIB huzuridagi tergov boʻlinmasi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor surishtiruv ishlari davomida ushbu jinoyatni M.U sodir etganligi aniqlanib, protsessual tartibda ushlangan.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
