Farg‘ona viloyati hokimligi, viloyat Ichki ishlar boshqarmasi, viloyat prokuraturasi va hamkor tashkilotlar birgalikda alohida e’tibor qaratilishi lozim bo‘lgan xotin-qizlarni ma’naviyatini yuksaltirish, ularni yana qayta hayotga yangicha dunyoqarash bilan qarashga ijobiy motivatsiya berish, ayol avvalo oila ustuni ekani hamda doimo qadrli ekanligini singdirish maqsadida tashkil etilgan tadbirda viloyatning barcha hududlaridan tashrif buyurgan 400 nafardan ortiq xotin-qizlar ishtirok etdi.

Tadbirda viloyat IIB boshlig‘i general-mayor Azizbek Ikramov ishtirok etib, ayollarning jamiyatdagi ishtiroki va o‘rni hususida o‘z fikr-mulohazalarini bildirdi. Ular o‘rtasida sodir bo‘lishi mumkin bo‘lgan salbiy holatlarni bartaraf qilishda barcha birdek mas’ul ekanligini e’tirof etdi.

Madaniy dasturdan so‘ng xotin-qizlar uchun shu yerning o‘zida birlamchi tibbiy ko‘rik, mehnat yarmarkasi, tashkil etilib, ishtirokchilarga viloyat hokimligining esdalik sovg‘alari tantanali ravishda topshirildi.

Bu kabi tadbirlardan ko‘zlangan maqsad xotin-qizlar o‘rtasidagi jinoyatchilikni oldini olish, oilalarda ma’naviy muhitni sog‘lomlashtirish hamda voyaga yetmagan farzandlar tarbiyasida ijobiy o‘zgarishlarga erishishdan iborat.

Farg‘ona viloyati IIB Axborot xizmati