Ayni kunlarda Fargʻona viloyati IIOlari tizimida IIV Akademiyasining 3-oʻquv kursi kursantlari bitiruv malakaviy ishi oldi amaliyotini oʻtamoqdalar. Ularga tizimdagi malakali xodimlar murabbiy sifatida biriktirilib, kursantlarning amaliy bilim va koʻnikmalarini shakllantirishga yordam berishyapti.

Boʻlib oʻtgan uchrashuvda soʻz olgan IIV Akademiyasi boshligʻining oʻrinbosari polkovnik Oybek Kamalov, viloyat IIB Faxriylar kengashi raisi, iste’fodagi podpolkovnik Arabboy Usmonov, SHXBB Fargʻona viloyati boʻyicha boshqarmasi boshligʻi kursantlarning amaliyot oʻtash davrida xizmat intizomi va qonunchilikka rioya etishlari uchun, murabbiylar hamda ota-onalar ham shaxsan mas’ul ekanliklarini ta’kidladilar.

Kursantlarga sohaga oid qabul qilingan qaror va farmonlar mazmun mohiyati, tizimga joriy qilingan yangiliklar yetkazildi.

Uchrashuvda, kursantlar ham soʻzga chiqishib, nazariy olgan bilimlarini amaliyotda keng qoʻllagan holda amaliyot bilan nazariy bilimlarni mustahkamlab borayotganliklarini, bu davrida xizmat intizomi va qonunchilikka qat’iy rioya etishlarini va oʻzlariga bildirilgan ishonchni oqlab, kelajakda yetuk ofitser xodimlar sifatida, vatanimiz ravnaqi uchun tunu-kun xizmat qilishga va’da berdilar. Tadbir soʻngida IIV Akademiyasi tarixi va bugungi zamonaviy qiyofasini aks ettiruvchi hujjatli film ishtirokchilar e’tiboriga havola etildi.

Fargʻona viloyati IIB Axborot xizmati