Uchkoʻprik tumanida xonadonida “ogʻu” saqlagan shaxs fosh boʻldi
Uchkoʻprik tumani. 2023-yilning 03-yanvar kuni tuman IIB va JQB xodimlari tomonidan oʻtkazilgan tezkor tadbir davomida, Buyrak mahalla hududida yashovchi N.A.ning yashash xonadoni xolislar ishtirokida koʻzdan kechirilganda yashash xonadonidagi shkafida 1 dona 1 litr bankada marixuana giyohvandlik moddasini saqlab kelayotgani aniqlanib, daliliy ashyo tariqasida olingan.
Mazkur holat yuzasidan Uchkoʻprik tumani IIB huzuridagi tergov boʻlimi tomonidan Jinoyat kodeksining 276-moddasi 2-qismi “a” bandi bilan jinoyat ishi oʻzgʻatilib, tergov harakatlari olib borilmoqda.
Eslatib oʻtamiz, Jinoyat kodeksining 276-moddasi 2-qismida koʻrsatilgan jinoyatni sodir etgan shaxs 5-yilgacha ozodlikdan mahrum qilish bilan jazolanishi mumkin.
Fargʻona viloyati IIB Axborot xizmati
