Farg‘ona tumani hududida tezkor va kriminogen vaziyatni barqarorligini ta’minlash hamda huquqbuzarlik va jinoyatlarning barvaqt oldini olishga qaratilgan profilaktik tadbirlar o‘tkazish maqsadida tuman IIBda tadbirga jalb qilingan shaxsiy tarkib va sohaviy xizmat xodimlariga rahbariyat tomonidan xizmat oldi yo‘riqnoma o‘tkazildi.

Tadbir davomida profilaktika inspektorlari tomonidan 84 nafar toifadagi shaxslar ya’ni muqaddam sudlangan, profilaktik hisobda va probatsiya hisobida turgan, giyohvandlik va spirtli ichimlikka ruju qo‘yganlar, g‘ayriijtimoiy xulq-atvorga ega yoshlar, ov quroliga ega bo‘lgan shaxslar, va sha’riy nikohda yashovchi oilalar bilan jinoyat va huquqbuzarliklarni oldini olish bo‘yicha bir qator profilaktik tadbirlar amalga oshirildi.

Tadbir davomida profilaktika inspektorlari tuman hududida firibgarlik, o‘g‘irlik va kiber usuldagi jinoyatlarni oldini olish bo‘yicha savdo ob’ektlari, fuqarolar gavjum to‘planadigan joylar, avtoshohbekatlarda bukletlar tarqatib targ‘ibot ishlari olib borishib, videokuzatuv kameralarini o‘rnatish yuzasidan tushuntirishlar olib borishdi.

Kunlik amalga oshirilgan ishlar davomida 3 nafar yonida o‘tkir tig‘li jismlarni ochiq holda olib yurgan fuqarolarga MJtKning 185 prim 2-modda 1-qismi bilan hujjatlar rasmiylashtirilib qonuniy chora ko‘rishlik uchun JIB tuman sudiga yuborildi hamda 85 nafar fuqaroga sodir etgan huquqbuzarligi uchun MJtKning tegishli moddalari bo‘yicha ma’muriy bayonnomalar rasmiylashtirildi.