16 Mart 2022 yil 459

Talonchilik rejasiga asosan...

Farg‘ona viloyati. 2022 yilning 13 mart kuni Farg‘ona shahar Oqsuv ko‘chasida yashovchi 17 yoshli E.Sh. (ayol) Farg‘ona viloyati IIB Navbatchilik qismning “102” raqamiga murojaat qilib, unda shu kuni soat 23:40 larda ish joyi bo‘lgan Farg‘ona shahar Marg‘ilon ko‘chasida joylashgan “Paynet” shoxobchasida o‘tirganida, mijoz sifatida nomaʼlum shaxslar uning shoxobchasiga kelishib, hech bir sababsiz, uning qo‘lida bo‘lgan narxi 1.700.000 so‘mlik “Redmi-7” rusumli telefon apparatini ochiqdan-ochiq talon-toroj qilib, tortib olib ketganligini maʼlum qilib, nomaʼlum shaxslarni aniqlab, ularga nisbatan qonuniy chora ko‘rishlikni so‘ragan.

Olib borilgan tergov-tezkor harakatlari davomida ushbu jinoyatni 19 yoshli T.A., 22 yoshli R.D., B.I. va 23 yoshli A.Q.,lar sodir etganliklari aniqlangan.

Mazkur holat yuzasidan Farg‘ona shahar IIO FMB huzuridagi Tergov bo‘limi tomonidan yuqoridagi shaxslarga nisbatan O‘zbekiston Respublikasi Jinoyat kodeksning 166-moddasi 2-qismi “v” bandi (talonchilik) bilan jinoyat ishi qo‘zg‘atilib, ular protsessual tartibda ushlangan.

Tergov davomida aniqlanishicha, joriy yilning 13 mart kuni yuqoridagi shaxslar, mazkur jinoyatni sodir qilish maqsadida oldindan jinoiy til biriktirishib, telefon apparatini ochiq-ochiq talon-toroj qilish bo‘yicha reja tuzib, R.D.ga tegishli “Spark” rusumli avtomashinasini davlat raqam belgisini yechib olishib, jinoiy rejaga asosan avtomashinani B.I. shoxobcha oldiga boshqarib borib, T.A. avtomashina old o‘rindig‘idan tushib, E.Sh.,ga o‘zini mijoz sifatida ko‘rsatib, uning qo‘lidagi narxi 1.700.000 so‘mlik “Redmi-7” rusumli telefon apparatini ochiqdan-ochiq talon-toroj qilib, hodisa joyidan yashiringanliklari maʼlum bo‘lgan.

Tergov harakatlari davom etmoqda.

O‘zbekiston Respublikasi IIV huzuridagi Tergov departamenti

Axborot xizmati

Text to speech