Uchko‘prik tumanida profilaktik tadbirlar bo‘yicha seminar-trening o‘tkazildi
2025 yilning avgust oyida Uchqo‘prik tumani IIB boshlig‘i tashabbusi bilan Uchko‘prik tumani maktab va maktabgacha ta’lim bo‘limiga qarashli 26-maktabda muhim seminar-trening tashkil etildi. Tadbirda tuman hududidagi 56 ta umumta’lim maktabi direktorlari va ularning o‘rinbosarlari, hamda hamkor tashkilotlar rahbarlari ishtirok etdi.
Seminar-trening davomida "Dolzarb 90 kunlik profilaktik tadbir" doirasidagi vazifalar muhokama qilindi. Shuningdek, voyaga yetmaganlar va yoshlar o‘rtasida giyohvandlik moddalarining tarqalishini oldini olish bo‘yicha amalga oshirilayotgan chora-tadbirlar keng muhokama qilindi.
Tadbirda ishtirokchilar “Bizning maktab – jinoyat va giyohvandlikdan xoli hudud” shiori ostida yangi o‘quv yiliga, ya’ni Bilimlar kuniga tayyorgarlik ko‘rish, yoshlar bilan ishlashda samarali yondashuvlarni qo‘llash masalalariga alohida e’tibor qaratdilar.
Farg‘ona viloyati IIB Axborot xizmati
