Учкўприк туманида профилактик тадбирлар бўйича семинар-тренинг ўтказилди
2025 йилнинг август ойида Учқўприк тумани ИИБ бошлиғи
ташаббуси билан Учкўприк тумани мактаб ва мактабгача таълим бўлимига қарашли
26-мактабда муҳим семинар-тренинг ташкил этилди. Тадбирда туман ҳудудидаги 56
та умумтаълим мактаби директорлари ва уларнинг ўринбосарлари, ҳамда ҳамкор
ташкилотлар раҳбарлари иштирок этди.
Семинар-тренинг давомида "Долзарб 90 кунлик профилактик тадбир" доирасидаги вазифалар муҳокама қилинди. Шунингдек, вояга етмаганлар ва ёшлар ўртасида гиёҳвандлик моддаларининг тарқалишини олдини олиш бўйича амалга оширилаётган чора-тадбирлар кенг муҳокама қилинди.
Тадбирда иштирокчилар “Бизнинг мактаб – жиноят ва гиёҳвандликдан холи ҳудуд” шиори остида янги ўқув йилига, яъни Билимлар кунига тайёргарлик кўриш, ёшлар билан ишлашда самарали ёндашувларни қўллаш масалаларига алоҳида эътибор қаратдилар.
Фарғона вилояти ИИБ Ахборот хизмати
