Rishton tumanida 17.000.000 soʻmlik motokultivatorni oʻgʻirlagan shaxs aniqlandi
Rishton tumani. Oq oltin mahalla hududida yashovchi T.S ismli ayol IIBga murojaat qilib, unda 06 yanvar kuni soat 23:00 dan 07 yanvar kuni soat 06:00 gacha boʻlgan vaqt oraligʻida nomaʼlum shaxs yashash xonadoniga devor oshish yoʻli bilan gʻayriqonuniy ravishda kirib, xonadon hovlisida turgan narxi 17.000.000 soʻmlik motokultivatorini yashirin ravishda oʻgʻirlab, hodisa joyidan yashiringanligini maʼlum qilgan.
Mazkur holat yuzasidan Rishton tumani IIB huzuridagi tergov boʻlinmasi tomonidan jinoyat kodeksining 169-moddasi 2-qismi “g” bandi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni R.Z va O.H. sodir etganligi aniqlanib, protsessual tartibda ushlangan.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
