“RedMI Note 9” rusumli uyali telefon apparatini oʻgʻirlagan shaxs fosh boʻldi
Fargʻona shahri. U.A IIB ga murojaat qilib, unda noma’lum shaxs umumiy ovqatlanish oshxonasidagi stol ustida qarovsiz qoldirilgan, narhi 1 900 000 soʻmlik “RedMI Note 9” rusumli uyali telefon apparatini oʻgʻirlab, hodisa joyidan yashiringanligini bildirgan.
Mazkur xolat yuzasidan Fargʻona Shahar IIO FMB Tergov boʻlimi tomonidan Jinoyat Kodeksining 169-moddasi 1-qismi bilan jinoyat ishi qoʻzgʻatilgan.
Shahar IIB JQB xodimlari tomonidan olib borilgan tezkor-surishtiruv harakatlari davomida ushbu jinoyatni U.B ismli shaxs sodir etganligi aniqlanib, tergov harakatlari olib borilmoqda.
Eslatib oʻtamiz, Jinoyat kodeksining 169-moddasi 1-qismida koʻrsatilgan jinoyatni sodir etgan shaxs 3-yilgacha ozodlikdan mahrum qilish bilan jazolanishi mumkin.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
