“RedMI Note 9” русумли уяли телефон аппаратини ўғирлаган шахс фош бўлди
Фарғона шаҳри. У.А ИИБ га мурожаат қилиб, унда номаълум шахс умумий овқатланиш ошхонасидаги стол устида қаровсиз қолдирилган, нарҳи 1 900 000 сўмлик “RedMI Note 9” русумли уяли телефон аппаратини ўғирлаб, ҳодиса жойидан яширинганлигини билдирган.
Мазкур холат юзасидан Фарғона Шаҳар ИИО ФМБ Тергов бўлими томонидан Жиноят Кодексининг 169-моддаси 1-қисми билан жиноят иши қўзғатилган.
Шаҳар ИИБ ЖҚБ ходимлари томонидан олиб борилган тезкор-суриштирув ҳаракатлари давомида ушбу жиноятни У.Б исмли шахс содир этганлиги аниқланиб, тергов ҳаракатлари олиб борилмоқда.
Эслатиб ўтамиз, Жиноят кодексининг 169-моддаси 1-қисмида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Ҳурматли фуқаролар, ўз мол-мулкингиз, пул маблағларингизни эҳтиёт қилинг! Бу билан ўғирлик жиноятларининг олдини олишга ҳисса қўшган бўласиз.
Фарғона вилояти ИИБ Ахборот хизмати
