Qozonni kim olgan...
Margʼilon shahar IIBga 2020 yil 22 fevral kuni, Margʼilon shahar Chevarchilik koʼchasida yashovchi, 37 yoshli Q.T., ariza bilan murojaat qilib, 2020 yil 22 fevral kuni soat 02:30 larda, nomaʼlum shaxs yashash xonadoniga devor oshish yoʼli bilan kirib, xovlisida boʼlgan 1 dona narxi 600 000 soʼmlik choʼyan qozonini oʼgʼrilab ketganligini maʼlum qilgan.
Olib borilgan tezkor surishtiruv ishlar davomida ushbu jinoyatni Margʼilon shaharda yashovchi, 40 yoshli N.B., sodir etganligi aniqlanib, undan 1 dona choʼyan qozon ashyoviy dalil tariqasida olingan.
Mazkur holat boʼyicha Margʼilon shahar IIB huzuridagi tergov boʼlimi tomonidan N.B.,ga nisbatan Oʼz.R. JKning 169-moddasi 2-qismi “g” bandi bilan (uy-joy, omborxona yoki boshqa xonaga gʼayriqonuniy ravishda kirib sodir etilgan boʼlsa) jinoyat ishi qoʼzgʼatilib, hozirda tergov harakatlari olib borilmoqda.
Fargʼona viloyati IIB Аxborot xizmati
