Қозонни ким олган...
Марғилон шаҳар ИИБга 2020 йил 22 февраль куни, Марғилон шаҳар Чеварчилик кўчасида яшовчи, 37 ёшли Қ.Т., ариза билан мурожаат қилиб, 2020 йил 22 февраль куни соат 02:30 ларда, номаълум шахс яшаш хонадонига девор ошиш йўли билан кириб, ховлисида бўлган 1 дона нархи 600 000 сўмлик чўян қозонини ўғрилаб кетганлигини маълум қилган.
Олиб борилган тезкор суриштирув ишлар давомида ушбу жиноятни Марғилон шаҳарда яшовчи, 40 ёшли Н.Б., содир этганлиги аниқланиб, ундан 1 дона чўян қозон ашёвий далил тариқасида олинган.
Мазкур ҳолат бўйича Марғилон шаҳар ИИБ ҳузуридаги тергов бўлими томонидан Н.Б.,га нисбатан Ўз.Р. ЖКнинг 169-моддаси 2-қисми “г” банди билан (уй-жой, омборхона ёки бошқа хонага ғайриқонуний равишда кириб содир этилган бўлса) жиноят иши қўзғатилиб, ҳозирда тергов ҳаракатлари олиб борилмоқда.
Фарғона вилояти ИИБ Ахборот хизмати
