Qidiruvdagi ayol va erkak qoʻlga olindi
Qoʻqon shahar IIB JQB xodimlari Jinoyat kodeksining 184-moddasi 3-qismida (soliqlar yoki yigʻimlarni toʻlashdan boʻyin tovlash) koʻrsatilgan jinoyatni sodir etib, Qoʻqon shahar IIB huzuridagi tergov boʻlimi tomonidan qidiruv eʼlon qilingan Z.A.ni qoʻlga olishdi.
Shuningdek, Fargʻona viloyati IIB Qidiruv boʻlimi xodimlari Jinoyat kodeksining 223-moddasi 2-qismida (Qonunga xilof ravishda chet elga chiqish
yoki Oʻzbekiston Respublikasiga kirish) koʻrsatilgan jinoyatni sodir etib, Quva tumani IIB huzuridagi tergov boʻlimi tomonidan qidiruv eʼlon qilingan A.N ismli ayolni qoʻlga olishdi.
Hurmatli fuqarolar!
Qidiruvdagi shaxslar haqida biror maʼlumotga ega boʻlsangiz, yaqin oradagi ichki ishlar boʻlimlariga xabar bering. Shaxsingiz sir saqlanishi taʼminlanadi.
Fargʻona viloyati IIB Axborot xizmati
