Tuman IIB profilaktika inspektorlari tomonidan mahalla fuqarolar yig‘inlarida istiqomat qiluvchi aholi vakillari va mahalla faollari bilan sodir etilayotgan jinoyatlarni muhokama qilinib, kelgusida jinoyat va huquqbuzarliklarni oldini olish bo‘yicha “Xavfsiz mahalla-xavfsiz xonadon” tamoyili asosida mahalla faollari bilan jinoyatlarni oldini olish, ularga qarshi kurashish yuzasidan profilaktik tushuntirish ishlari olib borildi.

Fuqarolar o‘zlariga tegishli mol-mulklarini ko‘chalarda qarovsiz va nazoratsiz qoldirmasliklari, dalalarda  tashlab ketishayotgan chorva hayvonlarini tungi vaqtda yashash xonadonlariga olib kelib qo‘yishlari yoki o‘sha yerda qorovullab nazorat qilishlari, firibgarlik turlarining plastik bilan bog‘liq holatlari oshib borayotganligi sababli plastik karta raqamlari va kodlarini begona shaxslarga bermaslikliklari aks holda ushbu turdagi jinoyatdan jabrlanuvchi bo‘lib qolishlari to‘g‘risida ogohlantirildi.

Tadbir davomida profilaktika inspektorlari tomonidan fuqarolar tomonidan qilingan murojaatlar o‘rganilib, o‘z vaqtida nazortga olinib qonuniy tartibda ijobiy hal etildi, hamda tegishli tartibda hujjatlar rasmiylashtirildi.

Tadbir davomida profilaktika inspektorlari tomonidan “alohida toifadagi shaxslar bilan fuqarobay ishlash” maxsus kompleks tezkor-profilaktik tadbiri davomida 94 nafar toifadagi shaxslar, jumladan muqaddam sudlangan, profilaktik hisobda va probatsiya hisobida turgan, qamoq bilan bog‘liq bo‘lmagan ehtiyot chorasi qo‘llangan, giyohvandlik va spirtli ichimlikka ruju qo‘yganlar, g‘ayriijtimoiy xulq- atvorga ega yoshlar va shar’iy nikohda yashovchi oilalar bilan jinoyatchilikni oldini olish bo‘yicha suhbatlashib o‘tildi.

Tuman hududida jinoyat va huquqbuzarliklarni oldini olishga qaratilgan profilaktik tadbirlar davomida, hududlarni kirish-chiqish joylariga videokuzatuv kameralarini o‘rnatish va ularni p rofilaktika inspektori xizmat xonasiga integratsiya qilish va raqamlashtirish bo‘yicha ham ishlar olib borilmoqda.

Kunlik amalga oshirilgan ishlar davomida 2 nafar yonida o‘tkir tig‘li jismlarni ochiq xolda olib yurgan fuqarolarga O‘z. Res. MJtKning 185 prim 2-modda 1-qismi bilan xujjatlar rasmiylashtirilib qonuniy chora ko‘rishlik uchun JIB Farg‘ona tuman sudiga yuborildi hamda 60 nafar fuqaroga sodir etgan xuquqbuzarligi uchun O‘zbekiston Respublikasi MJtKning tegishli moddalari bo‘yicha ma’muriy bayonnomalar rasmiylashtirildi.

Shulardan: O‘z. Res. MJtK ning 183-moddasi bo‘yicha 7 ta, 185-moddasi bo‘yicha 2 ta, 187-moddasi bo‘yicha 16 ta, 47-moddasi bo‘yicha 3 ta, 161-moddasi bo‘yicha 2 ta, O‘z. Res. MJtK ning boshqa moddalar bo‘yicha 30 ta.

Tadbirlar joylarda davom etmoqda.

Farg‘ona viloyati IIB Axborot xizmati