25 Fevral 2025 yil 4285

Probatsiya bo‘limi hisobida turgan nazoratdagi shaxslar uchun tibbiy ko‘rik va mehnat yarmarkasi tashkil etildi

Farg‘ona ichki ishlar organlari faoliyatini muvofiqlashtirish boshqarmasi jamoat xavfsizligi xizmati probatsiya bo‘limi, shahar tibbiyot birlashmasi hamda kambag‘allikni qisqartirish va bandlikka ko‘maklashish bo‘limi hamkorligida Farg‘ona shahar IIO FMB JXX Probatsiya bo‘limi hisobida turgan nazoratdagi shaxslar uchun tibbiy ko‘rik va mehnat yarmarkasi tashkil etildi.

Tibbiy ko‘rik doirasida malakali shifokorlar tomonidan nazoratdagi shaxslar chuqurlashtirilgan tibbiy tekshiruvlardan o‘tkazilib, kasalliklarni oldindan aniqlash hamda profilaktik choralar ko‘rish bo‘yicha tavsiyalar berildi. Shuningdek, maxsus tibbiy maslahatlar va bepul dori vositalari taqdim etildi.

Bundan tashqari, Mehnat yarmarkada ishsiz nazoratdagi shaxslar uchun yangi ish o‘rinlari taqdim etish va ularni ish bilan ta’minlash maqsadida o‘tkazildi. Yarmarkada turli korxona va tashkilotlar vakillari ishtirok etib, nvazoratdagi shaxslarga bo‘sh ish o‘rinlari va bandlikka oid imkoniyatlar haqida ma’lumotlar berishdi. Shu bilan birga, kasb-hunar o‘rgatish kurslari va tadbirkorlikni rivojlantirishga oid takliflar taqdim qilindi hamda 2 nafar nazoratdagi shaxs ishga joylashtirildi.

Mazkur tadbirdan ko‘zlangan maqsad, probatsiya nozoratida turgan shaxslarni ishtimoiy moslashtirish, ular tomonidan kelgusida sodir etilishi mumkun bo‘lgan jinoyat va huquqbuzarlik oldini olish.

Farg‘ona viloyati IIB Axborot xizmati

Text to speech