Oʻzbekiston tumanida “Nexia” avtomashinasini olib qochgan voyaga yetmagan shaxs qoʻlga olindi
Oʻzbekiston tumani.02-iyun kuni soat 18:25 larda voyaga yetmagan M.A tuman markaziy shifoxona oldida oʻzining boshqaruvidagi sariq rangli, “Nexia” rusumli avtomashinada yoʻlovchi tashish bilan shugʻullanayotgan Gʻ.M.ni toʻxtatib, yoʻlovchi sifatida chiqib, Yaypan-Bozor mahalla hududiga yetib borgan vaqtda, Gʻ.M.ga u bilan oʻzaro gaplashib olishi lozimligini aytgandan keyin Gʻ.M toʻxtab avtomashinadan tushgan vaqtda haydovchi oʻrindigʻiga oʻtirib, avtomashinani olib qochib, Ibn-Sino koʻchasi boʻylab harakatlanib ketayotib, boshqaruvni yoʻqotishi oqibatida qarama-qarshi yoʻnalishda kelayotgan fuqaro R.B boshqaruvidagi “Gentra” rusumli avtomashina bilan toʻqnashib, yoʻl-transport hodisasi sodir etgan.
Mazkur holat yuzasidan Oʻzbekiston tumani IIB huzuridagi tergov boʻlimi tomonidan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qoʻzgʻatilib, protsessual tartibda ushlangan.
Eslatib oʻtamiz, Jinoyat kodeksining 267-moddasi 1-qismida koʻrsatilgan jinoyatni sodir etgan shaxs oʻn besh yilgacha ozodlikdan mahrum qilish bilan jazolanadi.
Fargʻona viloyati IIB Axborot xizmati
