Oltiariq tumani Toshobod mahallasida jinoyat muhokamasi o‘tkazildi
Har bir shaxs, mahallada istiqomat qiladi. Mahalla kesimida jinoyat va huquqbuzarliklarning muhokama qilinayotganligi o‘zining ijobiy samarasini bermoqda. Birinchidan, muhokamalarda fuqarolar ogohlikka chaqirilyapti, kelgusida ana shunday salbiy holatlarning oldini olish bo‘yicha aniq chora-tadbirlar belgilab olinmoqda.
Oltiariq tumani
Toshobod mahallasida ham viloyat ichki ishlar boshqarmasi boshlig‘i o‘rinbosari,
polkovnik Elyorbek G‘aniev hamda tuman mutasaddilari ishtirokida ana shunday muhokama
tashkil etildi.
Mazkur mahallada
sodir qilingan og‘ir turdagi jinoyat muhokama markaziga qo‘yildi. Tadbir jarayonida
mazkur jinoyatning sodir etilishiga shart-sharoit yaratib bergan omillar tahlil
qilindi. Bunda mahalla yettiligi va faollarning e’tiborsizligi tanqid ostiga olindi.
Kelgusida bu
kabi jinoyatlarning oldini olish uchun har bir fuqaro beparvolik va loqaydlikka
berilmasdan, o‘zining qo‘ni-qo‘shnisi, mahalladoshlari taqdiriga e’tiborli bo‘lishi
kerakligi tushuntirib o‘tildi.
Farg‘ona
viloyati IIB Axborot xizmati
