Oltiariq tumanida tilla taqinchoqlarni oʻgʻirlagan voyaga yetmagan qiz qoʻlga tushdi
Oltiariq tumani. Qiziltepa mahalla hududida yashovchi E.N ismli ayol IIBga murojaat qilib, unda 2023 yilning 10 fevral kuni nomaʼlum shaxs yashash xonadoniga gʻayriqonuniy ravishda kirib mehmonxonasidagi javon ichida boʻlgan narxi 4.000.000 soʻmlik tilla taqinchoqlarini yashirin ravishda oʻgʻirlab, hodisa joyidan yashiringanligini maʼlum qilgan.
Mazkur holat yuzasidan Oltiariq tumani IIB huzuridagi tergov boʻlimi tomonidan jinoyat kodeksining 169-moddasi 2-qismi “g” bandi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni voyaga yetmagan X.O ismli qiz sodir etganligi aniqlanib, protsessual tartibda ushlangan.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
