“MAZ” rusumli yuk avtomashinadan umumiy qiymati 64.000.000 soʻmlik 2 dona quduq qazuvchi moslama va 2 dona akkumulyatorini oʻgʻirlagan shaxslar aniqlandi
Fargʻona shahar.Fuqaro I.S IIBga murojaat qilib, unda 2022-yil 22-oktabr kunidan 23-oktabr kuniga oʻtar kechasi noma’lum shaxs Oʻrmonchilar mahalla hududida joylashgan MCHJning quduq qaziyotgan “MAZ” rusumli yuk avtomashinasida qarovsiz qolgan umumiy qiymati 64.000.000 soʻmlik 2 dona quduq qazuvchi moslama va 2 dona akkumulyatorini yashirin ravishda oʻgʻirlab, hodisa joyidan yashiringanligini bildirgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan jinoyat kodeksining 169-moddasi 2-qismi “b” bandi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni Q.D ismli ayol va R.M ismli voyaga yetmagan qiz sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
