Rishton tumani IIBda jinoyatchilikka qarshi kurashish va jamoat xavfsizligini ta’minlash borasida joriy yilning 11 oyida amalga oshirilgan ishlar muhokamasiga bag‘ishlangan yig‘ilish o‘tkazildi
Rishton tumani IIB majlislar zalida tashkil etilgan yig‘ilishda Farg‘ona viloyati
IIB boshlig‘i o‘rinbosari, Jamoat xavfsizligi xizmati rahbari, podpolkovnik Farruh
Usarov hamda Huquqbuzaliklar profilaktikasi boshqarmasi boshlig‘i, podpolkovnik
Otabek O‘rinboevlar ishtirok etdi.
Yig‘ilishda
qayd etilganidek, tumanda 2023 yilning 11 oyi davomida umumiy jinoyatchilik 18 foizga kamayishiga erishilgan. Biroq qasddan og‘ir tan jarohati yetkazish, o‘rtacha
og‘irlikda tan jarohati yetkazish, tovlamachilik va o‘lim bilan bog‘liq YTHlari oshib ketgan.
Viloyat IIB
rahbarlari shu jihatlarga e’tibor qaratib, jinoyatchilikni jilovlash borasidagi ishlarni mahallabay tahlil qilib berishdi.
Bundan tashqari,
yig‘ilishda xotin-qizlar tomonidan sodir etilgan jinoyatlar, voyaga yetmaganlar
masalalari bo‘yicha inspektor-psixologlar xizmati, jamoat tartibini saqlash hamda
probatsiya guruhlari faoliyati ham muhokama qilindi.
Yakunda tumanda jinoyatlarning oldini olish, kriminogen vaziyat barqarorligini ta’minlash
va ijtimoiy profilaktika ishlarini yanada kuchaytirish maqsadida bir qator chora-tadbirlar
belgilab olindi.
Farg‘ona viloyati IIB Axborot xizmati
