Ichki ishlar vaziri o‘rinbosari Farg‘onalik faxriylar bilan uchrashuv o‘tkazdi
Ichki ishlar vaziri o‘rinbosari — Ma’naviy-ma’rifiy ishlar va
kadrlar bilan ta’minlash departamenti boshlig‘i, general-mayor Davron Nazarmuhamedov
Farg‘ona viloyatida bo‘lib, ichki ishlar organlari faxriylari bilan uchrashuv o‘tkazdi.
200 nafarga yaqin ustozlar,
Faxriylar qatnashgan uchrashuv samimiy muloqot ruhida o‘tdi.
Vazir o‘rinbosari Faxriylar
faoliyatiga alohida to‘xtalib, bu borada Farg‘ona tajribasi yaratilgani, viloyatda
boshqa hududlarga namuna tarzida ko‘rsatsa arziydigan ishlar yo‘lga qo‘yilganini
e’tirof etdi.
Shundan so‘ng ochiq muloqot olib borilib, ularning murojaat va
takliflari tinglandi.
Ko‘p yillik boy amaliy tajribaga ega ustozlar so‘zga chiqib,
“ustoz-shogird” an’anasini yanada kuchaytirish
borasida o‘z takliflarini bildirdilar.
Faxriylarga ko‘rsatilayotgan tibbiy xizmat, turli ijtimoiy yordamlar, sayohatlar tashkil etish kabi masalalarda ham
o‘zaro fikr almashildi.
Farg‘ona viloyati
IIB Axborot xizmati
