Furqat tumanida avtomashinalar yuvish shaxobchasida telefon apparatini oʻgʻirlagan shaxs aniqlandi
Furqat tumani. Fuqaro A.Sh IIBga murojaat qilib, unda 05 fevral kuni nomaʼlum shaxs Katta yangi qishlogʻida joylashgan tegishli avtomashinalarni yuvish shaxobchasida qarovsiz qoldirgan narxi 1.500.000 soʻmlik “Red Mi 8” rusumli telefon apparatini yashirin ravishda oʻgʻirlab, hodisa joyidan yashiringan.
Mazkur holat yuzasidan Furqat tumani IIB huzuridagi tergov boʻlinmasi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni M.A sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
