Fargʻona shahrida “Vaz-2106” rusumli avtomashinasining akkumulyatorini oʻgʻirlagan shaxslar qoʻlga olindi
Fargʻona shahar. Yangi Asr koʻchasida yashovchi fuqaro G.V IIBga murojaat qilib, unda 2023-yilning 12-fevral kunidan 13-fevral kuniga oʻtar kechasi noma’lum shaxs yashash xonadoni oldida qarovsiz qoldirgan “Vaz-2106” rusumli avtomashinasining narxi 1.500.000 soʻmlik akkumulyatorini yashirin ravishda oʻgʻirlab, hodisa joyidan yashiringanligini ma’lum qilgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni O.A va K.K.lar sodir etganligi aniqlanib, protsessual tartibda ushlanishgan.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
