Fargʻona shahrida “Spark” rusumli avtomashinadan “Antiradar” qurilmasini oʻgʻirlagan shaxs qoʻlga tushdi
Fargʻona shahar.Fuqaro M.Gʻ IIBga murojaat qilib, unda 2022-yilning 31-dekabr kuni noma’lum shaxs Fargʻona shahar, Bozor-boshi koʻchasida joylashgan avtoshoxbekat oldida “Spark” rusumli avtomashinasini ochiq qolganligidan foydalanib, avtomashinasiga oʻrnatilgan narxi 700.000 soʻmlik “Antiradar” qurilmasini yashirin ravishda oʻgʻirlab, hodisa joyidan yashiringnaligini ma’lum qilgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni Yu.U sodir etganligi aniqlanib, protsessual tartibda ushlangan.
Hozirda tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
