Fargʻona shahrida “Spark” avtomashinasi salonidan 1.000 AQSH dollarini oʻgʻirlagan voyaga yetmagan shaxs qoʻlga tushdi
Fargʻona shahar. Fuqaro E.Sh IIBga murojaat qilib, unda 2023-yil 22-may kuni noma’lum shaxs Aviyasozlar koʻchasida qarovsiz qoldirilgan “Spark” avtomashinasi salonida boʻlgan 1.000 AQSH dollarini yashirin ravishda oʻgʻirlab, hodisa joyidan yashiringanligini ma’lum qilgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni voyaga yetmagan H.O sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
