Fargʻona shahrida qarovsiz qoldirilgan avtomashina salonidan pullarni oʻgʻirlagan shaxs fosh boʻldi
Fargʻona shahar. Fuqaro T.A IIBga murojaat qilib, unda 18 yanvar kuni nomaʼlum shaxs A.Navoiy koʻchasida joylashgan maktab oldida qarovsiz qoldirilgan “Nexia-3” rusumli avtomashinasi salonidan 10.000.000 soʻm miqdoridagi pullarini yashirin ravishda oʻgʻirlab, hodisa joyidan yashiringanligini maʼlum qilgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni Oʻ.U ismli ayol sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
