Fargʻona Oltiariq tumanida “marixuana” saqlagan shaxs aniqlandi
Oltiariq tumani.2022-yilning 14-oktabr kuni, tuman IIB xodimlari tomonidan oʻtkazilgan tezkor tadbir davomida, Bozorboshi mahalla hududida yashovchi X.Sh.ning yashash xonadoni xolislar ishtirokida koʻzdan kechirilganda, xonadon mehmonxonasida “Marixuana” giyohvandlik moddasini saqlab kelayotgani aniqlanib, daliliy ashyo tariqasida olingan.
Mazkur holat yuzasidan Oltiariq tumani IIB huzuridagi tergov boʻlimi tomonidan Jinoyat kodeksining 276-moddasi 1-qismi bilan jinoyat ishi qoʻzgʻatilib, tergov harakatlari olib borilmoqda.
Hurmatli fuqarolar! Giyohvandlik moddalarini iste’mol qilish sogʻligʻingiz uchun xavfli ekanligini, uni saqlash qonunga xilofligi va jinoiy javobgarlikka sabab boʻlishini esdan chiqarmang.
Eslatib oʻtamiz, Jinoyat kodeksining 276-moddasi 1-qismida koʻrsatilgan jinoyatni sodir etgan shaxs 3-yilgacha ozodlikdan mahrum qilish bilan jazolanishi mumkin.
Fargʻona viloyati IIB Axborot xizmati
