Fargʻona shahrida avtomashina akkumlyatorini oʻgʻirlagan voyaga yetmagan shaxslar aniqlandi
Fargʻona shahar. Fargʻona koʻchasida yashovchi fuqaro M.I IIBga murojaat qilib, unda joriy yilning 19-fevral kuni noma’lum shaxs yashash xonadoni oldida qarovsiz qoldirgan “Vaz 2102” rusumli avtomashinasiga oʻrnatilgan narxi 600.000 soʻmlik akumlyatorini yashirin ravishda oʻgʻirlab, hodisa joyidan yashiringanligini bildirgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan jinoyat kodeksining 169-moddasi 1-qismi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni voyaga yetmagan K.K va O.A.lar sodir etganligi aniqlanib, tergov harakatlari olib borilmoqda.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
