Buvayda tumanida qimorxona tashkil qilgan shaxsga jinoyat ishi qoʻzgʻatildi
Buvayda tumani. 07-dekabr kunidan 08-dekabr kuniga oʻtar kechasi tuman IIB JQB xodimlari tomonidan oʻtkazilgan tezkor tadbir davomida, Chang qishlogʻi raqamsiz uyda yashovchi N.R yashash xonadonida 6 nafar fuqarolarga qonunga xilof ravishda tavakkalchilikka asoslangan qimor uynashlari uchun sharoit yaratib, qimorxona tashkil etganligi aniqlanib, 4 dona oshiq toshlari va 1.318.000 soʻm pullar daliliy ashyo tariqasida olingan.
Mazkur holat yuzasidan Buvayda tumani IIB huzuridagi tergov boʻlinmasi tomonidan R.N.ga nisbatan Jinoyat kodeksining 278-moddasi 1-qismi (qimorxona tashkil etish) bilan jinoyat ishi qoʻzgʻatilib, protsessual tartibda ushlangan.
Eslatib oʻtamiz, Jinoyat kodeksining 278-moddasi (qimor va tavakkalchilikka asoslangan boshqa oʻyinlarni tashkil etish hamda oʻtkazish)da koʻrsatilgan jinoyatni sodir etgan shaxs yetti yilgacha ozodlikdan mahrum qilish bilan jazolanadi.
Fargʻona viloyati IIB Axborot xizmati
