29 Mart 2024 yil 1143

Barchamizga yaxshi ma’lumki, dunyoda tinchlik va osoyishtalikdan azizroq ne’mat va bebaho boylik yo‘q. Bu ne’mat esa o‘zi o‘zidan yuzaga kelmaydi

Huquq-tartibot organlarining o‘zaro hamkorlikdagi xizmatlari, fuqarolarning xushyorligi, jamoat xavfsizligi hamda qonunlarga itoatkorligi bu ne’matning asosiy omilidir.

Hududlarda jinoyat va huquqbuzarliklarning barvaqt oldini olish, kriminogen vaziyat barqarorligini ta’minlash bevosita ichki ishlar organlari xodimlari oldiga katta mas’uliyat yuklaydi.

O‘z oromidan, tinchidan, huzur-halovatidan, kerak bo‘lsa, o‘z jonidan ham kechib yurtimizda osoyishtalikni saqlab turgan ichki ishlar organlari xodimlarining jinoyatchilikka qarshi kurashish, uning oldini olish, jamoat tartibini saqlash, fuqarolar xavfsizligini ta’minlash borasidagi mashaqqatli xizmatlari esa e’tirof etishga loyiqdir.

Ayni kunlarda Farg‘ona viloyati ichki ishlar boshqarmasi, uning tarkibiy tuzilmalari va sohaviy xizmat xodimlari zimmalariga yuklatilgan vazifalarni namunali bajarib, fuqarolarimizning osoyishta yashashini ta’minlamoqda.

Shu maqsadda bevosita viloyat ichki ishlar boshqarmasi rahbariyati boshchiligida kunduzgi va tungi tezkor profilaktik tadbirlar, reydlar, huquqiy targ‘ibot ishlari muntazam olib borilmoqda.

Yo‘l pаtrul va patrul post xizmati xodimlari hamda Milliy gvardiya harbiy hizmatchilarining mustahkam hamkorligi yo‘lga qo‘yilgan bo‘lib,  aholi gavjum joylar, bozorlar, istirohat bog‘lari, ko‘ngilochar maskanlarda qo‘shimcha patrullik guruhlari va mobil postlar tashkil etilgan.

Olib borilayotgan targ‘ibot tadbirlari davomida  har bir fuqaroning hushyorligini yanada oshirish, begona va shubha uyg‘otuvchi shaxslarga befarq bo‘lmaslik, jamoatchilik nazoratini yo‘lga qo‘yish lozimligi ta’kidlanmoqda.  

Ogohlik - davr talabi. Ichki ishlar organlari xodimlari tunu kun aholi tinchligi uchun xizmat olib borarkan, bunga javoban fuqarolarimiz ham hamisha xushyor va sergak, qonunbuzarliklarga qarshi murosasiz munosabatda bo‘lishi kerak.

Zero, ahillik va o‘zaro hamjihatlik bor joyda tinchlik, osoyishtalik hamda taraqqiyot bardavom bo‘ladi.

Shuni aslo unutmaylik!

    

Text to speech