Bagʻdod tumanida fuqaroning choʻntagidan 5.300 AQSH dollarini oʻgʻirlagan shaxs qoʻlga tushdi
Bagʻdod tumani. 24-avgust kuni A.A IIBga murojaaat qilib, unda shu kuni noma’lum shaxs Doʻrmancha MFY hududida joylashgan hayvon bozorida choʻntagida boʻlgan 5.300 AQSH dollarini kissavurlik yoʻli bilan yashirin ravishda oʻgʻirlaganligini ma’lum qilgan.
Mazkur holat yuzasidan Bagʻdod tumani IIB huzuridagi tergov boʻlinmasi tomonidan Jinoyat kodeksining 169-moddasi 2-qismi “a,b” bandi (oʻgʻirlik) bilan jinoyat ishi qoʻzgʻatilgan.
Olib borilgan tezkor qidiruv harakatlari davomida ushbu jinoyatni A.A sodir etganligi aniqlanib, protsessual tartibda ushlangan.
Eslatib oʻtamiz, Jinoyat kodeksining 169-moddasi 2-qismida koʻrsatilgan jinoyatni sodir etgan shaxs besh yilgacha ozodlikdan mahrum qilish bilan jazolanadi.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
