Farg‘ona tumanida IIB rahbariyati tomonidan  o‘tkazilgan yo‘riqnomada  profilaktik tadbirlar jarayonida e’tibor qaratish zarur bo‘lgan jihatlar tushuntirildi.

Xususan,  mahalla faollari bilan jinoyatlarning oldini olishda hamkorlikni yanada kuchaytirish,  fuqarolarni o‘zlariga tegishli mol-mulklarni ko‘chalarda qarovsiz va nazoratsiz qoldirmaslik,   plastik karta raqamlari kodlarini begona shaxslarga bermaslik, aks holda firibgarlik jinoyati jabrlanuvchisi bo‘lib qolishlari to‘g‘risida ogohlantirish eng asosiy vazifa  ekanligi tushuntirildi.

Tadbirlar davomida xodimlar 194 nafar toifadagi shaxslar, jumladan, muqaddam sudlangan, profilaktik va probatsiya hisobida turgan, giyohvandlik va spirtli ichimlikka ruju qo‘yganlar hamda boshqa oilalar o‘rganilib, jinoyatchilikning oldini olish bo‘yicha suhbatlar o‘tkazildi.

Savdo do‘konlari, mahalla ko‘chalarining kirish-chiqish qismlariga videokuzatuv kameralarini o‘rnatish bo‘yicha fuqarolar bilan targ‘ibot ishlari olib borildi.

Kunlik amalga oshirilgan ishlar davomida 1 nafar fuqaroga nisbatan ma’muriy qamoq jazosi tayinlandi, o‘tkir tig‘li jismlarni ochiq holda  olib  yurgan 1 nafar  fuqarolarga  tegishli hujjatlar rasmiylashtirilib, qonuniy chora ko‘rish uchun JIB Farg‘ona tuman sudiga yuborildi.  53 nafar fuqaroga sodir etgan huquqbuzarligi uchun  ma’muriy bayonnoma rasmiylashtirildi.

Farg‘ona viloyati IIB Axborot xizmati