Viloyat hokimi o‘rinbosari K.Kavlonova, viloyat IIB JXX HPB boshlig‘i o‘rinbosari mayor D.O‘rinova hamda hamkor tashkilotlar ishtirokida viloyatdagi xotin-qizlar jinoyati salmog‘i yuqori bo‘lgan "qizil" toifaga kiruvchi mahalla fuqarolar yig‘inlarida o‘rganish ishlari olib borilib, jinoyatlarni barvaqt oldini olish yuzasidan chora-tadbirlar belgilandi.

Unda mahalladagi yettilik bilan suhbatlashib, hududdagi alohida e’tibor qaratilishi lozim bo‘lgan xotin-qizlar bilan ishlash, ijtimoiy profilaktika va ayollar daftari bo‘yicha qilinayotgan ishlar o‘rganildi. Jinoyatni barvaqt oldini olishda jamoatchilik nazoratini o‘rnatish, manzilli ishlar tashkil etish to‘g‘risida mahallaning alohida "Yo‘l xaritasi" tasdiqlandi;

Alohida e’tibor qaratilishi lozim bo‘lgan shaxslar bilan yakka tartibda profilaktik ishlarni tashkil etish yuzasidan viloyat IIB boshlig‘ining 19 fevral kunidagi 5-sonli Farmoyishi ijrosi hamda oilaviy zo‘ravonlik hamda yaqin qarindoshlar o‘rtasida uzoq muddatli nizolar ortidan kelib chiqishi mumkin bo‘lgan jinoyatlarni oldini olish maqsadida 01 fevralidan 29 fevraliga qadar "Turmush" maxsus profilaktik tadbiri e’lon qilinib, hududlarda 2023 yil 30 dekabr kunidagi dastur asosida "qizil" va "sariq" toifaga kiritilgan oilalar bilan yakka tartibdagi profilaktik tadbirlar o‘tkazilmoqda; Tadbir davomida

45 214 ta oilalar o‘rganilib, ularda aniqlangan 1236 ta muammolar hal etilishiga erishildi, shuningdek, alohida e’tibor qaratilishi lozim muammolar yuzasidan tegishli tashkilotlarga taqdimnomalar kiritildi;

"Payshanba profilaktika kuni" munosabati bilan Xotin-qizlarni tazyiq va zo‘ravonlikdan himoya qilish, fuqarolarni firibgarlik va o‘g‘irlik qurboni bo‘lib qolishdan himoya qilish borasida tushuntirishlar berish yuzasidan huquqni muhofaza qiluvchi organ huquqshunoslari tomonidan barcha hududdagi mahalla fuqarolar yig‘inlarida 1000 dan ziyod targ‘ibot tadbirlari tashkil etilib, targ‘ibot materiallari tarqatildi;

Tazyiq va zo‘ravonlikka uchragan 78 nafar xotin-qizlarga himoya orderlari berilib davlat himoyasiga olinib, zo‘ravonlik sodir etgan shaxslar tuzatish dasturidan o‘tkazildi, shuningdek himoya orderida belgilangan cheklovlarga rioya qilmagan 4 nafar shaxslarga (oy boshidan 10 nafar) O‘zbekiston Respublikasi MJtKning 206 prim 1 moddasiga asosan hujjatlar rasmiylashtirilib, jazo muqarrarligi ta’minlandi;

Xotin-qizlar tomondan hafta davomida sodir etilgan 6 ta jinoyatlar tuman-shahar hokim o‘rinbosarlari va mas’ul idora rahbarlari ishtirokida muhokama etilishi ta’minlandi;

"Mehrjon" bolalar va ayollar huquqlarini himoya qilish markazi bilan hamkorlikda hududlarda "zo‘ravonliksiz hayot sari" seminarlari tashkil etildi;

Ta’lim muassasalarida qizlar o‘rtasida erta turmush holatlarini oldini olish va ota-onalarni ogohlikka chaqirish yuzasidan ota-onalar bilan uchrashuvlar tashkil etildi;

Savdo do‘konlari, aholi gavjum joylar, bozor hududlari va yo‘lning chorrahalarida tilanchilik bilan shug‘ullanish holatlariga chek qo‘yish maqsadida reydlar tashkil etilib, yashash joyiga yuborilishi ta’minlandi;

Jinoyatchilikka qarshi kurashish tadbirlari tizimli ravishda davom ettirilmoqda!