Internet ijtimoiy tarmoqlarida tarqalgan "Xodimni harakati qanchalik to‘g‘ri" mazmunidagi videoxabar Farg‘ona viloyati IIB tomonidan o‘rganib chiqildi

Ma’lum bo‘lishicha, 17.12.2023 yil kuni fuqarolarning IIOga shikoyati asosida Farg‘ona shahar IIO FMB 3-son IIB profilaktika inspektori kapitan T.Hoshimov tungi soat 23:50 da shahardagi Mash’al MFYdagi ko‘p qavatli uyning yerto‘lasida joylashgan "RICh" ko‘ngilochar maskan (karaoke bar)ga kelib, tungi vaqtda fuqarolarning tinchini buzib, baland ovozda qo‘shiq kuylayotgan va kompyuter o‘ynayotgan mijozlarni tarqatmoqchi bo‘lganida, ushbu maskan rahbari 1995 y.t A.X. IIO xodimlarining qonuniy talablariga bo‘ysunmay, jamiyatda yurish turish qoidalarini qasddan mensimasdan, faol qarshilik ko‘rsatgan.

Ma’lumki, Vazirlar Mahkamasining 2021 yil 15 oktabrdagi 648-son Qarori 11-bandida, ko‘p kvartirali uyning yerto‘lasida joylashgan korxonalar, restoranlar, kafelar, barlar hamda ko‘ngilochar maskanlarning soat 23.00 dan keyingi faoliyatiga yo‘l qo‘yilmasligi ko‘rsatib o‘tilgan.

Mazkur holat yuzasidan fuqaro A.X.ga nisbatan MJtKning 183-moddasi, 194-moddalari bilan hujjatlar rasmiylashtirilib qonuniy qaror qabul qilish uchun JIB Farg‘ona shahar sudiga yuborildi.

Natijasi bo‘yicha qo‘shimcha ma’lumot beriladi.

Farg‘ona viloyati IIB Axborot xizmati