O‘zbekiston Respublikasi Ichki ishlar vazirligi rahbariyatining tegishli farmoyishi asosida hududlardagi maktablarga tashkiliy va tarbiya-metodik jihatdan manzilli ko‘maklashish hamda voyaga yetmaganlar bilan ishlash faoliyatini takomillashtirish maqsadida, respublika ishchi guruhi tashkil etilgan bo‘lib, ishchi guruh tomonidan Farg‘ona viloyati Quva tumanidagi 4-sonli umumiy o‘rta ta’lim maktabiga o‘rganishga borildi.

Viloyat Ichki ishlar boshqarmasi, Maktabgacha va maktab ta’limi boshqarmasi, Qurilish va uy-joy kommunal xo‘jaligi bosh boshqarmasi rahbariyati, Quva tuman hokimligi hamda boshqa mas’ullar bilan hamkorlikda maktab infratuzilmasi, moddiy-texnik bazasi, ijtimoiy-maishiy ahvoli, ta’lim sifati va ma’naviy-ma’rifiy ishlar natijadorligi yuzasidan dastlabki o‘rganishlar amalga oshirildi.

Shuningdek, maktab o‘quvchilari va o‘qituvchi-pedagoglar bilan ochiq muloqotlar o‘tkazilib, bildirilgan taklif va muammolar muhokama qilindi.

Maktab o‘quvchilari bilan manzilli ishlash, ularni kasb-hunarga yo‘naltirish va kelgusida salbiy holatlarni oldini olish borasida “Farg‘ona tajribasi”ni yaratish bo‘yicha boshlang‘ich rejalar ishlab chiqildi.

Ishchi guruh tomonidan hududiy mas’ullar bilan birgalikda aniqlangan muammolarni hal etish va kamchiliklarni bartaraf etish yuzasidan tegishli dastur ishlab chiqish choralari belgilanib, amaliy yordam ko‘rsatilmoqda.