Ijtimoiy tarmoqlarida tarqalgan Qirguli mavzesidagi janjal viloyat IIB tomonidan o‘rganib chiqildi

Ma’lum bo‘lishicha, joriy yilning 10 mart kuni Yangi asr ko‘chasida 1992 yilda tug‘ilgan fuqaro S.A., sobiq kuyovi 1992 yilda tug‘ilgan  A.A. bilan singlisini haqorat qilganligi sababli o‘zaro janjallashgan. Janjal davomida S.A. va boshqalar fuqaro A.A.ning tanasini turli joylariga urib, tan jarohati yetkazishgan.

Sud-tibbiy ekspertizasining dastlabki xulosasida A.A.ning tan jarohatlari o‘rtacha og‘irlikdagi shikastlar toifasiga kirishligi ko‘rsatilgan.

Mazkur holat yuzasidan 13.03.2025 yilda Farg‘ona shahar IIO FMB tomonidan S.A. va uning sheriklariga nisbatan Jinoyat kodeksining 105-moddasi 2-qismi “i” bandi bilan jinoyat ishi qo‘zg‘atilib, barchasi protsessual tartibda ushlangan.

Hozirda tergov harakatlari olib borilmoqda. Yakuniga ko‘ra, har bir shaxsning xatti-harakatlariga qonuniy baho beriladi.

Farg‘ona viloyati IIB Axborot xizmati