"Osoyishtalik ovozi" tanlovida farg‘onalik serjant faxrli o‘rinni egalladi
2025 yil 7 iyun kuni Toshkent shahrida ichki ishlar organlari yosh xodimlari va
harbiy xizmatchilari ishtirokida ilk bor san’at yo‘nalishida tashkil etilgan “Osoyishtalik
ovozi” tanlovi yuqori saviyada o‘tkazildi.
Ushbu nufuzli tanlovda Farg‘ona viloyati ichki ishlar organlarida xizmat qilayotgan kichik serjant A.Azizov munosib ishtirok etib, o‘zining iqtidori va mahoratini namoyon etdi. Uning kuchli chiqishlari hakamlar hay’ati tomonidan yuksak baholanib, u faxrli 2-o‘rinni qo‘lga kiritdi.
Bu yutuq nafaqat A.Azizovning shaxsiy muvaffaqiyati, balki Farg‘ona viloyati IIO tizimidagi yosh kadrlarning bilim, tafakkur va ijodkorlik qobiliyatining yuksakligidan dalolat beradi.
A.Azizovni ushbu yutuq bilan chin qalbdan tabriklaymiz va unga kelgusi faoliyatida yanada katta zafarlar tilaymiz!
Farg‘ona viloyati
IIB Axborot xizmati
