26 Yanvar 2024 yil 1573

O‘rtaga katta miqdorda pul tikib, qimor o‘yini tashkil etgan jinoiy guruh qo‘lga olindi  

Farg‘ona viloyati IIB tezkor xodimlari tomonidan o‘tkazilgan tadbir davomida 1962 y.t. Quva tumani, Qalinpo‘stin MFYda yashovchi A.T. jinoiy sherigi 1974 y.t, Qayrag‘och MFYda yashovchi N.M.lar bir guruh bo‘lib qimor va tavakkalchilikka asoslangan xo‘roz  o‘yini tashkil qilib, ushbu jinoiy faoliyatga yana 3 nafar shaxslarni sherik qilib, Farg‘ona shahar, Mustaqillik mfyda 400 nafar ishtirokchilarni jalb qilgan holda  “Xo‘roz urishtirish” uchun sharoit yaratib, ishtirokchilarning har biridan 50 ming so‘mdan pul yiqqan vaqtda ushlandi.

Bundan tashqari tadbir davomida kassadan 84 mln 356 ming so‘m, 3 ming 750 AQSh dollari, 8 ming 741 Qirg‘iziston somi, qimor o‘yinga kelgan shaxslardan 14 million so‘m pullar, 14 dona xo‘roz, va boshqa buyumlar ashyoviy dalil sifatida olindi.

Mazkur holat yuzasidan tergovga qadar tekshiruv harakatlari olib borilmoqda.

Farg‘ona viloyati IIB Axborot xizmati

Text to speech