Oltiariq tumanida jinoyatchilikka qarshi kurash va uni oldini olish yuzasidan amalga oshirilgan ishlarga bag‘ishlangan press-tur hamda matbuot anjumani tashkil qilindi
Farg‘ona viloyati IIB hamda Oltiariq tumani hokimligi Axborot
xizmati hamkorligida tashkil etilgan tadbirda tuman IIB rahbariyati, tuman hokimligi
vakillari, Diniy bo‘lim, Iste’molchilar huquqini himoya qilish jamiyati tuman bo‘limi
rahbarlari, OAV vakillari ishtirok etdilar.
Press-turda
7 ta mahalla misolida jinoyat va huquqbuzarliklarni oldini olish borasidagi ishlar
ko‘zdan kechirildi.
Jumladan, Poloson
MFY profilaktika inspektori tomonidan "xavfsiz mahalla" tamoyili doirasida
jamoatchilik va faol yoshlar bilan hamkorlikdagi ishlar, hududni kuzatuv kameralari
bilan ta’minlash va ulardan samarali foydalanish bo‘yicha erishilgan natijalar haqida
ma’lumotlar berildi.
Matbuot anjumanida Tuman IIB rahbariyati tomonidan jinoyat va huquqbuzarliklar profilaktikasi yo‘nalishida 2023 yilda erishilgan yutuqlar, profilaktika inspektorlarining xizmat sharoitlarini yaxshilash, tajribalarni ommalashtirish, kasb mahoratini oshirish, xizmat intizomini mustahkamlash bo‘yicha qilingan ishlar yuzasidan axboroti tinglandi. Anjuman ishtirokchilarining savollariga javoblar qaytarildi
Farg‘ona viloyati IIB Axborot xizmati
