Internet ijtimoiy tarmoqlarida tarqalgan Qo‘qon shahrida huquq-tartibot organlari xodimlari uyga bostirib kirishganligi haqidagi videoxabar Farg‘ona viloyati IIB tomonidan o‘rganib chiqildi

Ma’lum bo‘lishicha, 07.01.2024 yil kuni fuqaro E.T. “102” xizmatiga qo‘ng‘iroq qilib, Qo‘qon shahar Sarboz ko‘chasida 2 nafar aka-ukalar unga tegishli “Neksiya-2” rusumli avtomashinasini olib qochib, yashirib, qaytarib bermayotganligini bildirgan.

11 yanvar kuni JIB Qo‘qon shahar sudining ajrimiga asosan shahar IIB tezkor xodimlari daliliy ashyo va gumon qilinuvchilarni tergovga olib kelish maqsadida A.S.ning yashash xonadoniga borishganda, A.S.,Sh.S. va I.T. hamda ularning yaqin qarindoshlari sovuq qurol sifatida foydalanishi mumkin bo‘lgan ashyolar bilan xodimlarga qattiq qarshilik ko‘rsatishgan.

Tadbirga jalb etilgan xizmat avtomashinasi hamda jabrlanuvchi E.T.ga tegishli “Neksiya-2”ni ham tosh bilan urib, shikastlashgan.

Mazkur holat yuzasidan shahar Prokuraturasi tomonidan I.T. va A.S.larga nisbatan JKning 219-moddasi 1-qismi bilan hamda shahar IIB tomonidan 267-moddasi 2-qismi bilan jinoyat ishi qo‘zg‘atilib, gumonlanuvchilar qamoqqa olingan.

Shu o‘rinda fuqarolarimizdan ijtimoiy tarmoqlar orqali tarqalgan yuqoridagi kabi xabarlarga rasmiy munosabat bildirilmasdan turib, noo‘rin xulosaga bormasliklarini so‘rab qolamiz.