Uchko‘prik tumanida «Havfsiz oila» hamda «Kibermadaniyatni yuksaltirish» profilaktika oyligi doirasida tuman hududidagi mahallalarda faoliyat yuritayotgan xotin-qizlar faollari ishtirokida yig‘ilish bo‘lib o‘tdi.

Tadbir davomida so‘nggi 10 oy mobaynida xotin-qizlar o‘rtasida sodir etilgan jinoyatlar holati muhokama qilindi. Uchrashuvda tuman IIBning xotin-qizlar masalalari bo‘yicha katta inspektori hamda mas’ul shaxslar ishtirok etdilar.

Davra suhbatida oila-turmush doirasidagi nizoli vaziyatlarni tinch yo‘l bilan hal etish, ayollar jinoyatchiligining jamiyat rivojiga salbiy ta’siri, erta turmush va erta nikohning oqibatlari, voyaga yetmaganlar o‘rtasida kuzatilayotgan salbiy holatlarning oldini olish, shuningdek, o‘g‘irlik va firibgarlikning qurboni bo‘lmaslik uchun amalga oshiriladigan choralar haqida tushunchalar berildi.

Shuningdek, Qo‘qon davlat universitetida O‘zbekiston Respublikasi Prezidentining 2025 yil 3 noyabrdagi PF–207-sonli “Aholi salomatligi va millat genofondini giyohvandlik va narkotik jinoyatlardan samarali himoya qilish bo‘yicha kompleks chora-tadbirlar to‘g‘risida”gi Farmoni ijrosini ta’minlash maqsadida Qo‘qon shahar IIB JXX HPB profilaktika katta inspektori mayor S. Yuldashov hamda xotin-qizlar masalalari bo‘yicha katta inspektor tomonidan keng qamrovli profilaktik suhbat tashkil etildi.

Oltiariq tumani IIB xotin-qizlar masalalari bo‘yicha inspektori tomonidan tuman hududidagi mahallalarda toifa hisobida turuvchi, nizoli, noqonuniy nikoh asosida yashovchi, himoya orderi rasmiylashtirilgan, o‘zaro sudlarda nizolashayotgan hamda oila-turmush doirasida jabr ko‘rib, 102 qisqa raqamiga murojaat qilgan oilalarning yashash xonadonlariga borilib, yakka tartibda profilaktik suhbatlar o‘tkazildi.

Shuningdek, Marg‘ilon shahridagi “Abu Ali Ibn Sino” nomidagi Jamoat salomatligi texnikumida IIB xotin-qizlar masalalari bo‘yicha inspektori mutasaddilar bilan hamkorlikda jinoyatchilikning oldini olish, erta turmushga chiqish, odob-ahloq va ma’naviy qadriyatlar mavzusida yoshlar bilan suhbat tashkil etdi.

Targ‘ibot tadbirlari joylarda izchil ravishda davom etmoqda.