Tabiiyki ob-havo haroratining pasayib borishi natijasida gaz va boshqa turdagi muqobil yoqilg‘i hamda isitish moslamalaridan foydalanishga bo‘lgan ehtiyoj ortib boradi.

«Yong‘in xavfsizligi oyligi» doirasida O‘zbekiston Respublikasi IIV huzuridagi JIED Ikkinchi mintaqaviy muvofiqlashtirish markazi tashabbusi bilan Farg‘ona shahrida joylashgan Ikkinchi mintaqaviy hudud, 10-son tergov hibsxonasida xizmat qilayotgan xodimlarning favqulodda vaziyatlar sodir bo‘lganda to‘g‘ri harakatlanishlarini shakllantirish maqsadida, viloyat IIB, FVB va SSBlarining tajribali mutaxassis xodimlarini jalb etgan holda, «Is gazidan zaharlanish - alomatlari, birinchi yordam, davolash va oldini olish» mavzusida o‘quv seminar tashkillashtirildi.

Unda, «Is gazidan zaharlanish - alomatlari, birinchi yordam, davolash va oldini olish», tabiiy va texnogen tusdagi favqulodda vaziyatlarni oldini olish, sodir etilganda ularning oqibatlarini bartaraf etish yuzasidan yig‘ilganlarga tushunchalar berib o‘tdi.

Seminar yakunida, hibsxona saf maydonida hibsxona xodimlariga qutqaruv maxsus avtomashinasi hamda qutqaruv asbob-uskunalari tanishtirildi.

Sodir etilishi mumkin bo‘lgan yong‘in, chaqnash va is gazidan zaharlanish hamda boshqa favqulodda vaziyatlarni oldini olish yuzasidan yo‘riqnomalar berildi.

Bu borada ishlar Markaz tasarrufidagi muassasalarda ham davom ettirilmoqda.

Farg‘ona viloyati IIB Axborot xizmati