Yangi yil bayramiga tayyorgarlik ko‘rish va uni o‘tkazish davrida jamoat tartibini saqlash, fuqarolar xavfsizligini ta’minlash, jinoyatchilik va huquqbuzarliklarning oldini olish bo‘yicha ishlarni samarali tashkil etish maqsadida Farg‘ona viloyati IIB boshlig‘i o‘rinbosari, Jamoat xavfsizligi xizmati rahbari, podpolkovnik Farruh Usarov So‘x tumanida  bo‘ldi.

Dastlab tuman markazida joylashgan bozorlar va aholiga xizmat ko‘rsatuvchi ob’ektlar o‘rganilib, fuqarolar bilan suhbat o‘tkazildi. 

O‘rganish davomida huquqni muhofaza qiluvchi organlar va boshqa tashkilotlar vakillari bilan bayram tadbirlarini tinch va osoyishta o‘tkazilishini ta’minlash maqsadida kuch vositalarni to‘g‘ri taqsimlash hamda hamkorlikda ishlarni amalga oshirish borasida zarur topshiriqlar berildi.

 Shuningdek, boshqarma boshlig‘i o‘rinbosari “Hushyor” mahalla fuqarolari yig‘iniga tashrif buyurib, profilaktika inspektori va mahalla faollari bilan yaqindan tanishdi, “xonadonbay” usulida o‘rganishlar olib bordi.

So‘x tumani ichki ishlar bo‘limi, PPX va JTSB vaqtincha saqlash hibsxonasi hamda Tezkor vazifalarni bajaruvchi safarbarlik otryadi binolari, ushbu maskanlarda xodimlarga yaratilgan sharoitlar, moddiy-texnik ta’minot, xavfsizlik choralari ta’minlanganligi va xizmat jarayonlari ko‘zdan kechirildi.

 “Xavfsiz hudud – dolzarb 40 kunligi” maxsus profilaktik tadbirlari yuzasidan So‘x tumani markazida  tungi yo‘riqnoma ham o‘tkazildi. 

Farg‘ona  viloyati IIB Axborot xizmati