Fargʻona shahrida xonadondan tilla-taqinchoqlarni oʻgʻirlagan shaxs qoʻlga olindi
Fargʻona shahri. 20-oktabr kuni Xalqlar doʻstligi koʻchasida yashovchi T.O ismli ayol IIBga murojaat qilib, unda shu kuni noma’lum shaxs yashash xonadoniga devor oshish yoʻli bilan gʻayriqonuniy ravishda kirib, yotoqxonasidagi shkafda boʻlgan narxi 47.000.000 soʻmlik tilla-taqtinchoqlarini yashirin ravishda oʻgʻirlab ketganini ma’lum qilgan.
Mazkur holat yuzasidan Fargʻona shahar IIO FMB huzuridagi tergov boʻlimi tomonidan Jinoyat kodeksining 169-moddasi 2-qismi “g” bandi (oʻgʻirlik) bilan jinoyat ishi qoʻzgʻatilgan.
Olib borilgan tezkor qidiruv harakatlari davomida ushbu jinoyatni R.B sodir etganligi aniqlanib, protsessual tartibda ushlangan.
Eslatib oʻtamiz, Jinoyat kodeksining 169-moddasi 2-qismida koʻrsatilgan jinoyatni sodir etgan shaxs besh yilgacha ozodlikdan mahrum qilish bilan jazolanadi.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
