Ma’lumki, Davlatimiz rahbari  tashabbusi bilan “og‘ir” toifadagi yoshlar ichki ishlar organlari rahbarlariga biriktirgan bo‘lib, yosh avlodni Vatanga muhabbat va sadoqat ruhida tarbiyalash, ularni milliy va umuminsoniy qadriyatlariga hurmat g‘oyasi atrofida birlashtirish maqsadida joylarda turli tadbirlar va uchrashuvlar o‘tkazilmoqda.

Quvasoy shahar IIB boshlig‘i, shahar hokimi o‘rinbosari, ta’lim tizimiga mas’ul rahbarlar va “og‘ir” toifadagi yoshlar ishtirokda tashkil etilgan uchrashuvda ham  ana shu masalalarga alohida e’tibor qaratildi.

Maktablarda tashkil etilgan kunduzgi oromgohlarda vatanparvarlik tadbirlari va sport musobaqalarini muntazam tashkil etish, bunday tadbirlarga, ayniqsa, jinoyat va huquqbuzarlik sodir etishga moyil bo‘lgan o‘quvchilarni jalb etish zarurligi alohida ta’kidlandi.

Yangi o‘quv yili boshlanguniga qadar  maktablardagi 8-9-10-11-sinf honalariga yuzdan tanib olish imkoniyatiga esa Face-ID kameralarini o‘rnatish bo‘yicha topshiriqlar berildi.

 
Farg‘ona viloyat IIB Axborot xizmati