Ёзёвон туманида велосипед ўғирлаган шахс қўлга тушди
Ёзёвон тумани. Қоратепа маҳалла ҳудудида яшовчи О.С исмли аёл ИИБга мурожаат қилиб, унда 2023 йилнинг 30 март куни номаълум яшаш хонадони олдида вояга етмаган ўғли Д.С томонидан қаровсиз қолдирилган укаси Н.Р.га тегишли нархи 1.200.000 сўмлик велосипедини яширин равишда ўғирлаб, ҳодиса жойидан яширинганлигини маълум қилган.
Мазкур ҳолат юзасидан Ёзёвон тумани ИИБ ҳузуридаги тергов бўлинмаси томонидан жиноят кодексининг 169-моддаси 2-қисми “г” банди (ўғирлик) билан жиноят иши қўзғатилган.
Олиб борилган тезкор-суриштирув ишлари давомида, ушбу жиноятни Х.А содир этганлиги аниқланиб, процессуал тартибда ушланган.
Ҳурматли фуқаролар, ўз мол-мулкингиз, пул маблағларингизни эҳтиёт қилинг!
Бу билан ўғирлик жиноятларининг олдини олишга ҳисса қўшган бўласиз.
Фарғона вилояти ИИБ Ахборот хизмати
