Тошлоқ туманида "Алоҳида тоифадаги ёшлар билан якка тартибда профилактик ишларни амалга ошириш" тўғрисидаги вилояти ИИБ бошлиғининг 68-сонли фармойиши ижроси юзасидан тизимли ишлар ташкилланди
Ушбу тадбир давомида, муқаддам судланган, ИИБ профилактик ҳисобида турувчи, руҳий касал, ноқонуний никоҳ асосида яшовчи, ажрим ёқасидаги ёш оилалар, ота-онаси узоқ муддатга кетган ёшлар, ўгай ота ва ўгай она қарамоғида қолган ёшлар, оила-турмуш доирасида жанжалкаш ёшлар, ота-онаси руҳий касал оила ва шу оилада тарбияланаётган ўн тўрт ёшдан ўттиз ёшгача бўлган ёшларнинг рўйхатлари шакллантирилиб, маҳалла ва хонадонбай кесимида шу тоифадаги ёшларнинг мавжуд муаммоларини аниқлаш, уларни бартараф этиш бўйича алоҳида ишчи гуруҳ ташкил этилган.
Тадбир давомида, ёшлар тоифасига кирувчи хотин-қизларнинг ҳам муаммолари тизимли равишда ўрганилиб борилмоқда.Ушбу ёшлар тоифасидаги шахслар томонидан Оила турмуш доирасида содир этиладиган жиноятларни олдини олиш мақсадида ноқонуний никоҳ асосида яшовчилар, ҳимоя ордери берилганлар, фуқаролик ва маъмурий судларда низолашаётган ёш оилаларни жамоатчилик билан ҳамкорликда доимий назоратга олиш ишлари амалга оширилмоқда.
Фарғона вилояти ИИБ Ахборот хизмати
