22 Ноябр 2021 йил 356

Қувасой шаҳрида аёлнинг хонадонига ўғирликка тушган шахс қўлга олинди

 
Қувасой шаҳри. 04 октябрь куни фуқаро Боғбон МФЙ ҳудудида яшовчи Р.к исмли аёл ИИБга мурожаат қилиб, унда 03 октябрь кунидан 04 октябрь кунига ўтар кечаси номаълум шахс яшаш хонадонига ғайриқонуний равишда кириб ётоқхонасидаги шкаф ва сандиқ устидаги кўрпа-тўшаклари орасидан 11.200.000 сўмлик турли хилдаги тилла-тақинчоқларини яширин равишда ўғирлаб кетганини маълум қилган.

Мазкур ҳолат юзасидан Қувасой шаҳар ИИБ ҳузуридаги тергов бўлими томонидан Жиноят кодексининг 169-моддаси 2-қисми «г» банди (ўғирлик) билан жиноят иши қўзғатилган.

Олиб борилган тезкор қидирув ҳаракатлари давомида ушбу жиноятни Р.Б содир этганлиги аниқланиб, процессуал тартибда ушланган.

Эслатиб ўтамиз, Жиноят кодексининг 169-моддаси 2-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланади.

Ҳурматли фуқаролар, ўз мол-мулкингиз, пул маблағларингизни эҳтиёт қилинг! Бу билан ўғирлик жиноятларининг олдини олишга ҳисса қўшган бўласиз.

Фарғона вилояти ИИБ Ахборот хизмати

Ахборот хизмати

Text to speech