Қўштепа туманида велосипед ўғирлаган шахс қўлга тушди.
Қўштепа тумани. 6 ноябрь куни А.С. ИИБ га мурожаат қилиб, унда 2 ноябрь куни номаълум шахс, қаровсиз қолдирилган нарҳи 700.000 сўмлик велосипедини яширин равишда талон-торож килиб, ҳодиса жойидан яширинганлигини билдирган.
Мазкур ҳолат юзасидан Қўштепа Туман ИИБ ҳузуридаги Тергов бўлими томонидан Жиноят кодексининг 169-моддаси 1-қисми билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни М.А. содир этганлиги аниқланган.
Эслатиб ўтамиз, Жиноят кодексининг 169-моддаси 1-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланади.
Ҳурматли фуқаролар, ўз мол-мулкингиз, пул маблағларингизни эҳтиёт қилинг! Бу билан ўғирлик жиноятларининг олдини олишга ҳисса қўшган бўласиз.
Фарғона вилояти ИИБ Ахборот хизмати
